LARA MÉNDEZ
ALCALDESA DE LUGO DESDE 2015
Creo que se pode falar dun antes e un despois, hai que recordar que o Arde Lucus naceu con motivo do distintivo de Patrimonio da Humanidade da nosa Muralla e polo tanto ese xa foi o primeiro fito e con motivo de querer conmemorar ese fito pois naceu o Arde Lucus no ano 2001, polo tanto eu creo que significou tamén en paralelo a ese distintivo o facernos partícipes da nosa historia, o recoñecer o noso pasado, o querer poñer en valor ese pasado, o ter cada vez máis consciencia de que ese pasado é o noso futuro, que temos un potencial e unha riqueza histórica e patrimonial impresionante e creo que o Arde Lucus contribuíu a poñer en valor todo ese pasado, a sentirnos máis orgullosos do nóso e contribuíu tamén a conmemorar ese gran fito que supuxo para a cidade de Lugo, a Muralla, Patrimonio da Humanidade.
Aquel Arde Lucus do 2015 foi un Arde Lucus que recordarei sempre, levaba moi pouco tempo como Alcaldesa, unha semana como Alcaldesa, e polo tanto foi un Arde Lucus de sentimentos confrontados, desde a responsabilidade de que saíra ben, de que non houbera ningún contratempo, as ganas de disfrutalo como outros anos, de pasalo ben cós amigos, coas amigas, coas asociacións, que evidentemente son a Alma Mater do Arde Lucus, de querer visitar toda e cada unha das asociacións, dos campamentos, e polo tanto, teño ese recordo de sentimentos encontrados, confrontados, de sentimentos que aínda arrepían a pel cada vez que o penso e revivo aquel Arde Lucus do 2015, que evidentemente o terei sempre no recordo e presente porque foi un Arde Lucus tremendamente especial, non? Desde as ganas de seguir disfrutando do Arde Lucus, e desde a responsabilidade de que saíra todo ben, como así foi, e a confianza e a parte ó visualizar o explendor e a grandeza do movimento asociativo do Arde Lucus que é, como digo, a Alma Mater da festa.
O Arde Lucus é un reclamo turístico importantísimo, é un posicionamento a nivel internacional, temos xa dous distintivos, a Festa de Interese Turístico Galego, a Festa de Interese Turístico Nacional, estamos traballando para acadar o distintivo de Festa de Interese Turístico Internacional, pero é certo que xa ten sona a nivel internacional en distintos países de Europa, e incluso, algún outro país fóra de Europa, e creo que esto é unha gran promoción, unha ventá moi importante para a nosa cidade, a capacidade de ter ese reclamo para poñer en valor o que decíamos, non? O noso pasado , a nosa historia, a nosa cultura, a nosa tradición e polo tanto eu creo que supuxo tamén un antes e un despois desde o punto de vista turístico, desde esa ventá ao exterior que supón o Arde Lucus e polo tanto tamén queremos aproveitar sempre esta festa para posicionarnos no mapa, para que Lugo sexa coñecido, porque falar desta Festa de Interese Turístico, desta festa de recreación é falar do noso pasado, da nosa historia, da nosa tradición, é falar de Lugo.
Eu creo que ao principio ninguén contaba con ter este efecto, a festa do Arde Lucus, ningúen contaba con esta proxección en tan só 20 anos, porque creo que esto tamén hai que recalcalo, en 16 anos conseguimos xa eses dous distintivos, o de Festa de Interese Turístico Galego e o de Festa de Interese Turístico Nacional, un fito que se conseguíu nun período moi breve de tempo, tendo en conta o tempo que ten que transcorrer para acadar o seguinte distintivo, e creo que eso é gracias á implicación de toda unha sociedade, á implicación dos colectivos, pero cando naceu, eu creo que ninguén contaba con que esto poidera ser un revulsivo económico, un revulsivo turístico, un revulsivo de proxección de cidade, como é a día de hoxe o Arde Lucus, creo que naceu máis como un interés de conmemorar aquela efeméride de Patrimonio da Humanidade da Muralla, e aproveitar a ocasión para disfrutar e pasalo ben recreando o noso pasado, pero conseguir en tan pouco tempo este posicionamento, eu creo que nos inicios moi pouca xente, se había alguén contaba con elo.
O reto está a expensas de que se pasen eses 5 anos para poder conseguir ese distintivo de Festa de Interese Turístico Internacional, xa estamos facendo acopio da documentación que é necesaria para presentar a candidatura, polo tanto, eu creo que cando pase ese tempo establecido, seremos quen de acadar ese distintivo porque a proxección, como dicía, internacional xa a ten, xa a disfruta, son moitas as asociacións , incluso que veñen de outros países, de Italia, de Rumanía, de Francia, de distintos países a disfrutar con nós o noso pasado, a nosa festa de recreación, e polo tanto xa ten esa proxección internacional, son moitas as asociacións do Arde Lucus, que pasan e pasean por Europa e por outros lugares có distintivo do Arde Lucus, có pasado noso romano, e polo tanto temos moito avanzado, temos moito traballado, temos xa moito adiantado, eu creo que cando pasen eses 5 anos reglamentarios seremos quen de acadar o distintivo.
Eu creo que o feito de conseguir o distintivo, ese éxito, significará un novo punto de inflexión, un novo fito, un novo pulo, na proxección do Arde Lucus e polo tanto na proxección da cidade, estou convencida, de que a pesar de que xa ten esa sona internacional, abrirá moitas máis portas, será moita máis xente a que nos visite, uns pola nosa historia, gastronomía, cultura, tradición, pero moita xente virá para coñecer a festa de recreación e virá por ese novo distintivo que acadaremos.
Lugo ten un gran patrimonio por ser unha cidade bimilenaria, por ser a cidade mais antiga de Galicia, eso significa que ten moita historia, que ten ademáis a pegada da historia no transcurso dos anos, desde ese pasado tan importante que temos romano, pero tamén esa pegada medieval, barroca, temos moita cultura, historia e tradición, temos moito paisaxe natural, unha natureza tamén que nos axuda moito a posicionarnos como cidade medioambiental, como cidade Red Natura, sendo todo o territorio do Concello, Reserva da Biosfera, é dicir, temos tanta riqueza, tanta cultura, tanta historia que evidentemente esto axuda a que Lugo tamén sexa un punto de destino moi importante por toda esa historia e creo que eso axuda, e é importante que sexamos a cidade mais antiga de Galicia.
Eu ese ano, o desfile dos colexios o vivín como mamá, e iso é unha experiencia, a verdade moi bonita, ver como unha comunidade educativa tamén quere facer patria e gala do noso pasado, que tamén nos centros educativos se inculca ese amor polo patrimonio, pola historia, polo pasado da cidade, e creo que é moi bonito ver como os centros educativos da cidade participan de maneira activa, 4.000 persoas como ben decías e apuntabas, participaron nese desfile, é un desfile que se recorda tremendamente numeroso, tremendamente participativo, tremendamente proactivo, porque ben sexamos romanos ou castrexos, castrexos ou romanos, os centros educativos o viven moi intensamente, e tamén hai que agradecer a participación activa mais aló das asociacións que moitas das persoas ao mellor poden pertencer á algunha outra asociación pero ese día tamén participan como papás, mamás, nenos, profesores, directivos, todo o que é a comunidade educativa neses desfiles, o domingo pola mañá é o domingo das comunidades educativas do Arde Lucus.
Non podería ser unha festa plena e unha festa exitosa si houbera algunha agresión sexual, si houbera algún tipo de violencia, e polo tanto desde o Concello temos claro e tiñamos claro que tiñamos que ser proactivos tamén na loita contra á violencia de xénero, na loita contra ás desigualdades, na loita contra calquer tipo de violencia e por iso queremos festas libres de sexismo, libres de violencia e creo que ahí tamén fomos pioneiros en ese eido de abandeirar unha festa plena, exitosa, unha festa para disfrutar, e non pode ser así se existe violencia, polo tanto queríamos ser tamén proactivos no Arde Lucus contra a violencia de xénero, contra as desigualdades e contra calquera tipo de violencia.
O primeiro que queremos todos, e como Alcaldesa moitísimo máis, é unha cidade segura, libre da pandemia tamén, e polo tanto foi o que primou desde o minuto cero á hora de tomar decisións duras, como foi o primeiro ano de suspender o Arde Lucus, se fixo algún acto testimonial, se fixeron actos telemáticos e as novas tecnoloxías e a dixitalización empezou a formar parte máis activa do Arde Lucus, non só era unha ventá de proxección ao exterior, senón que era parte xa intrínseca do Arde Lucus e creo que houbo que reinventarse, pensar, quixemos desde o minuto cero tamén que a pesar da pandemia non se perdera o espíritu, se mantuvera a chama, agradecer novamente ás asociacións ese afán participativo, colaborativo, de decir aquí estamos, o que faiga falta, reinventámonos todos pero que non se apague a chama, que se conseguíu tanto no primeiro ano da pandemia como no segundo, neste ano 21, dando un paso máis aló e facendo algo mixto, máis presencial, pero con controles de aforo, de forma segura porque evidentemente nestes momentos de dificultade, nestes momentos complexos, porque estamos a falar da saúde das persoas, pois o que ten que primar sempre é a cordura, a prudencia, pero sen deixar de lado o que é conmemorar tamén ese Arde Lucus, esa festa de recreación, e sobre todo neste ano que conmemoramos o 20 aniversario.
É certo que o Arde Lucus está tremendamente promocionado, pero para nós sempre vai ser pouca promoción, queremos que todo o mundo sepa de nós, sepa de Lugo, sepa da festa de recreación que é o Arde Lucus e polo tanto queremos seguir promocionando o Arde Lucus fóra de Galicia, fóra de España, a nivel internacional, e así o seguiremos a facer, nos vale calquera punto, témolo feito en moitos lugares, o temos feito como no país veciño, Portugal, tamén con intercambios con Braga que é unha cidade que ten moito en común con Lugo, en Madrid, en distintas cidades, lugares, pero queremos seguir ampliando, queremos seguir promocionando a festa de recreación histórica que é o Arde Lucus e polo tanto seguir promocionando á cidade, se ben é certo que as novas tecnoloxías viñeron estes últimos anos para formar parte activa das actividades do Arde Lucus, sempre foi unha ferramenta moi importante de promoción e seguirá sendo unha ferramente moi importante de promoción, porque se en algo está palpable, latente a globalización, é precisamente na comunicación, nas novas tecnoloxías e polo tanto seguiremos promocionando Lugo e o Arde Lucus en calquera punto e rincón do mundo.
Que siga crecendo, que siga sendo esa festa que é, unha festa identitaria, unha festa da cidade, e unha festa dos cidadáns e das cidadás de Lugo, unha festa dos e das romanas, dos e das castrexas, unha festa de todos e cada un dos lucenses, donde facemos partícipes a todos e cada un dos visitantes que veñen a coñecer Lugo, que veñen a coñecer o Arde Lucus, e que veñen a coñecer o maior patrimonio que ten a nosa cidade, que son os seus veciños e as súas veciñas, xente afable, xente cariñosa, xente cercana, xente que abre as portas á quen se achega á xunto de nós, que conmemoramos ese pasado pero que segue sendo parte do noso presente, esa xente cálida e amable que é, e seguirá sendo e facendo do Arde Lucus a gran festa que é.
Sería complexo resumir nunha frase o Arde Lucus, pero o Arde Lucus é unha seña de identidade da cidade de Lugo e dos cidadáns e das cidadás de Lugo.